Glossar

Kurt Dehn - Lied – Ja, so en guude Palzwoi ...

Ja moin Vadder hot gsaat un moi Mudder hot gsaat:
Liewer Bu, geb mer acht mit dem Woi
De Woi geht ins Blut un des is net so guud
Ja des kann sogar ganz gfährlich soi!
Doch heit, liewe Leit, wääß isch längscht schun Bescheid
Daß de Woi jo käm Deiwel was macht
Ehr Kinner drum mään isch, heit simmer uns äänisch
Mer dringe, des wär doch gelacht:

Refrain ..
Ja so en guude Palzwoi
Der laaft ääm in de Hals noi,
Der der laaft ääm dorsch die dorschdsich Kehl,
Do werd mer froh un kreizfidel
Ja so en guude Palzwoi
Der laaft ääm in de Hals noi,
Der laaft ääm dorsch die Kehl
Un baufzdisch do werd mer fidel.

Jetzt heer mol, moin Freund,
Wonn die Sunn mol net schoint,
Dann hau ab, nix wie naus aus em Haus.
Nom erschde Glas Woi, sin dei Sorge vorbei
Un die Welt sieht glei ganz annerschd aus
Die Palz ist famos un die Woistroß is groß
Un mer schungelt in jedem Lokal
Und siehscht statt der Woistroß am Schluß ach noch Woi bloß
Is des bei doim Dorscht worschtegal.

Ja so en guude Palzwoi
Der laaft ääm in de Hals noi,
Der der laaft ääm dorsch die dorschdsich Kehl,
Do werd mer froh un kreizfidel
Ja so en guude Palzwoi
Der laaft ääm in de Hals noi,
Der laaft ääm dorsch die Kehl
Un baufzdisch do werd mer fidel.

Un geht vun de Haardt
Owends häämwärts die Fahrt
Hoschd on Leib un on Seel de Profit
Un duut der dei Fraa ach nix Schäänes grad sa
Ja do nemmschtse halts negschdemol mit
Mer Pälzer sin frei un hänn Keller voll Woi
Ja bei uns hot noch jeder was krieet
Drum kum in die Rhoi Palz und drink vun dem Woi als
Sei friedlisch un sing unser Lied:

Ja so en guude Palzwoi
Der laaft ääm in de Hals noi,
Der der laaft ääm dorsch die dorschdsich Kehl
Do werd mer froh un kreizfidel
Ja so en guude Palzwoi
Der laaft ääm in de Hals noi
Der laaft ääm dorsch die Kehl
Un baufzdisch do werd mer fidel.